(599)                           SOUS LE RÈGNE DE CHARLES VI.                              359
biens pour faire chanter deux anuelz pour feue Agnès la Poçhonne et feu messire Jehan de Montargis, ainsi qu'il est contenu en certaine cédule qui est entre mes lettres, car maistre Pierre d'Ogier a euz les autres cinquante livres Tournoiz.
Item, nn livres Parisis en ont esté baillées par moy aux Corde­liers de Soissons, comme il appert par leur quictance, et s livres Pa­risis en ont esté par moy baillées à frere Jehan Burlez, carme, comme il appert par sa dicte quictance.
Item, ce que on ne trouvera par quictance, avoir esté fait, je veulx qu'il soit parfait.
Item, je vueil et ordonne que xx livres Tournoiz soient baillées à messire Thibaut de la Grange, pour rendre à la femme feu Pierre de Peny, pour ce qu'il me semble que ung brevet de xx frans que je lui rendiz et dont il me paia estoit acquictiez, et de ce je charge le dit de la Grange.
Item, je vueil que xx messes soient chantées pour ■Guillot, mon vi­gneron, pour ce que je puis bien estre de tant tenuz à lui, ou à ses heritiers.
Item, je vueil que cinquante messes de Requiem soient chantées en l'eglise de Soissons en la chappelle de monseigneur saint Martin, pour l'ame de feu messire Raoul Piat, mon oncle, qui est enterré assez pres de la dicte chappelle.
Item, je vueil et ordonne que xxv messes de Requiem soient chantées en la dicte eglise en la chappelle saint Cornille et saint Andrieu, dont j'ay esté Chapellain, pour l'ame du fondeur et aussi pour les faultes que je y puis avoir faictes.
Item, je vueil et ordonne que pareillement soit fait en la parroisse de Pernant et en la parroisse de Vierzy, dont j'ay esté Chapellain.
Item, je vueil et ordonne que ung obit soit chanté en l'eglise de Nostre Dame des Vignes de Soissons, dont j'ay esté chanoine, et que mi cierges de quatre livres y soient mis, et que chascun chanoine, Cha­pellain et prestre ait pour les vigiles et messe im solz Parisis, et les non prestres ii solz Parisis, et pour les clers autant.